ОРАЛ. 20 қаңтар. ҚазАқпарат /Елжан Ералы/ - БҚО-ның Сырым ауданында биыл қос бірдей білім нысанын салу жоспарланып отыр.
Аудан әкімі Ерлан Нысанғалиевтің айтуынша, аудан орталығы Жымпитыда бір балабақша аздық етеді. Қазірдің өзінде мұнда 400-ге жуық бүлдіршін бар. Болашақ балабақшаның жобалық-сметалық құжаттамасы дайын. Соңғы өзгерістерге орай құрылыс құны қайта есептелмек. Екінші нысан - аудандық музыка мектебі ғимаратына қатысты да осыны айтуға болады.
Жалпы, ауданда өткен жылы білім саласына 1,2 млрд. астам теңге бөлінді, бұл - аудан бюджетінің 48 пайызы. Соңғы төрт жылда осынша мектеп пайдалануға берілді. 2010 жылы «Жол картасы» аясында Талдыбұлақ, Бұлдырты орта мектептеріне күрделі жөндеу жүргізіліп, Бұлдыртыдан 50 орындық балабақша мен 50 орындық шағын орталық ашылды. Он екі мектеп автокөлікпен қамтылды. Қалған білім ордаларына автокөлік биыл сатып алынбақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).