АСТАНА. KAZINFORM — Қазақстан таеквондо федерациясы (WT) Астанада өтетін Гран-при финалына қатысатын спортшылардың тізімін жариялады.
Аталған жарыстан ел намысын төрт таеквондошы қорғайды.
Ерлер арасында Тамирлан Тілеулес (58 келіге дейін), Батырхан Төлеуғали (80 келіге дейін) өнер көрсетеді. Ал әйелдер арасында Рита Бакишева (49 келіге дейін) және Мария Севостьянова (57 келіге дейін) сынға түседі.
Айта кетейік, турнир 28-29 қараша аралығында Жақсылық Үшкемпіров атындағы Жекпе-жек сарайында өтеді.
Еске салайық, бұған дейін таеквондодан Қазақстан чемпионатының алғашқы жеңімпаздары анықталғанын хабарлаған едік.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.