АСТАНА. KAZINFORM – Таэквондодан 15-16 наурыз аралығында Қытайдың Тайань қаласында Азия құрлығының лицензиялық іріктеу турнирі өтеді.
Аталған жарыста бақ сынайтын қазақстандық спортшылар Париж Олимпиадасының жолдамасына таласады.
Қазақстан сапынан ел намысын қорғайтын таэквондошылар:
57 келі - Мария Севостьянова
67 келі - Жансель Дениз
58 келі - Самирхон Абабакиров
80 келі - Батырхан Төлеуғали
Әр салмақ бойынша финалға шыққан спортшылар Париж Олимпиадасының жолдамасын жеңіп алады.
Айта кетейік, қазақстандық таэквондошылар 2004 жылғы Афина Олимпиадасынан бастап, төртжылдықтың басты додасына тұрақты түрде қатысып келеді.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.