НҰР-СҰЛТАН. ҚазАқпарат - Таиландтың Пхукет қаласында қаласында өткен Thailand Open-2022 турнирінде қазақстандық боксшылар үш алтын медаль алды, деп хабарлайды ҚазАқпарат тілшісі.
Ел құрамасынан Серик Теміржанов (57 келі), Нұрбек Оралбай (81 келі) және Айбек Оралбай (91 келі) алтыннан алқа тақты.
Ал Сұлтан Мусинов (63 келі) және Асланбек Шымбергенов (69 келі) финалда қарсыластарына есе жіберіп, күміс жүлдені қанағат тұтты. Сондай-ақ, Аятулла Тәкіжанов (75 келі), Сағындық Тоғамбай (91 келі) және Санатәли Төлтаев (63 келі) қола медаль алды.
Аталған турнирде 52 келіде Сәкен Бибосынов, 75 келіде Тимур Нұрсейітов жарыстың түрлі сатысында жарыс жолынан шығып қалды.
Еске салсақ, бұдан бұрын қазақстандық 5 боксшы финалға шыққанын хабарлаған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.