ТАЛДЫҚОРҒАН. KAZINFORM - Әлеуметтік желіде Талдықорғандағы көпсалалы облыстық балалар ауруханасында мас хәлде науқас қабылдаған дәрігердің бейнежазбасы тарады. Видео авторы ақ халаттыдан «массыз ба ?» деп бірнеше рет сұраған. Бірақ азамат жауап бермеген.
Жетісу облыстық денсаулық сақтау басқармасы балалар хирургының жұмыс орынында ішімдік ішкенін растады.
«Оқиға 30.05.24 күні кешкі уақытта болған. Қызметкердің алкогольдік масаң күйде екені анықталып, Еңбек кодексінің 48-бабына сәйкес дереу жұмыстан шеттетілді. Еңбек кодексінің 52-бабына сәйкес жұмыстан босатылды» - деді, Жетісу облыстық денсаулық сақтау басқармасы.
Айта кетсек, бұдан бұрын ақмолалық полиция қызметкерінің мас күйінде рульге отырғаны жайлы жазып едік.
Диана Тұрлыбек
Ілияс Жансүгіров атындағы Жетісу университетінде оқыды. Мамандығы - журналист.
2022-2023 жылдары «Жетісу» облыстық телеарнасында жаңалықтар бөлімінде редактор болып жұмыс істеді.
2024 жылғы 1 сәуірден бастап Кazinform халықаралық ақпарат агенттігінің Жетісу облысындағы штаттан тыс тілшісі