Облыстық ІІД баспасөз қызметінің өкілі Көбейхан Нұрахметов бұл оқиғаны растады. Қазір күдікті ретінде 1998 жылғы бозбала ұсталды.
Анықталғандай, ол қаладағы колледждердің бірінде оқиды. Екі жас жігіт бастапқыда сөзге келіспей ерегесіп қалған. Соңында 19 жастағы студент танысын шолақ мылтықпен атып жіберген. Жәбірленуші оқиға орнында көз жұмды. Қазір осы оқиғаға байланысты ҚР ҚК 99-бабының екінші тармағына сәйкес іс қозғалып, тергеу жалғасуда.
Күдікті қамауға алынды. Ал шолақ мылтық іс материалына айғақ зат ретінде тіркелді.