АСТАНА. KAZINFORM - Белгілі хоккейші Талғат Жайлауов астаналық «Номад» командасының бас бапкері қызметіне тағайындалды.
Кейінгі жылдары бапкерлікке бет бұрған ол қазірге дейін клуб жүйесінде түрлі қызмет атқарды. Өткен әлем чемпионатында Талғат Қазақстан ұлттық құрамасының бапкерлер штабына кірді.
Оған Константин Пушкарёв, қақпашылар бапкері Александр Кудрявцев, жалпы дене шынықтыру бойынша жаттықтырушы Сергей Левданский көмектеседі.
«Номад» 12 шілдеде медициналық тексеруден өткеннен кейін оқу-жаттығу жиынын бастайды.
Талғат Жайлауов 1985 жылы Өскемен қаласында дүниеге келген. Өз мансабында «Қазцинк-Торпедо», «Барыс», «Номад», «Сарыарқа» клубтарында ойнады.
Ұлттық құрама сапында ұзақ жылдар бойы еліміздің намысын қорғады.
Еске салсақ, елордалық «Барыс» командасының жаңа маусым алдындағы дайындық жоспары белгілі болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.