АСТАНА. ҚазАқпарат - Бүгін, 13 тамызда елордалық «Барыс» Ресейдің Қазан қаласында өтіп жатқан шайбалы хоккейден TANECO кубогында жергілікті «Ак Барс» командасымен кездеседі, деп хабарлайды ҚазАқпарат тілшісі.
Кездесу елорда уақытымен 22.00-де басталып, «Qazsport» және КХЛ-ТВ телеарналарынан тікелей эфирде көрсетіледі.
Аталған турнирдегі алғашқы екі ойында қазақстандық команда қарсыластарына есе жіберіп қойды.
Алдымен ярославльдік «Локомотивтен», одан кейін челябілік «Тракторден» 1:2 есебімен жеңілді.
Ал «Ак Барс» алдымен «Трактордан» 4:3, «Локомотивтен» 4:2 есебімен басым түсті.
Ал 14 тамызда 3-орын үшін сайыс және финал болады.
Турнирдің тарихы 2020 жылдан бастау алады. Биыл оған алғаш рет шетелдік команда ретінде «Барыс» қатысады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.