АСТАНА. ҚазАқпарат - Бүгін, 13 тамызда елордалық «Барыс» шайбалы хоккейден TANECO кубогында «Ак Барс» командасымен кездесті, деп хабарлайды ҚазАқпарат тілшісі.
Бүгінгі ойында елордалық клуб қарсыласына 2:5 есебімен есе жіберді.
Аталған турнирде елордалық команда алдымен ярославльдік «Локомотивтен», одан кейін челябілік «Тракторден» 1:2 есебімен жеңілді.
Турнир кестесінде алғашқы екі орынға ие болған Ресейдің «Ак Барс» (Қазан) мен «Трактор» (Челябі) командалары жеңімпазды анықтайды.
Ал елордалық «Барыс» қола үшін «Локомотив» (Ярославль) клубымен ойнайды.
14 тамызда 3-орын үшін сайыс және финал болады.
Турнирдің тарихы 2020 жылдан бастау алады. Биыл оған алғаш рет шетелдік команда ретінде «Барыс» қатысып отыр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.