АСТАНА. ҚазАқпарат - Қазақстандық аралас жекпе-жек шебері Қуат «Найман» Хамитов Головкинге бокстан кету керек екенін айтты, деп хабарлайды ҚазАқпарат тілшісі.
Бүгін танымал қазақ спортшысы Қуат Хамитов жерлесі Геннадий Головкиннің айқасынан кейін осындай пікір білдірді.
Ол өзінің инстаграм желісіндегі парақшасында «Жеңіс құтты болсын! Бірақ раундтар бойынша есеп Джейкосбтың пайдасына - 5:7. Нокдаун бар. Минимум бұл тең нәтиже болуы керек. Міне, осы себепті біз Головкин - Уорд жекпе-жегін көре алмаймыз. Генаға бокстан кету керек. Жасы келді», - деп жазды.
Естеріңізге сала кетейік, бүгін Нью-Йоркте аяқталған бокс кешінде Геннадий Головкин америкалық Дэниел Джейкобсты 12 раундта ұпай санымен ұтты.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.