АСТАНА. Мамырдың 26-сы. ҚазАқпарат /Марлан Жиембай/ - Тараз қаласының тұрғыны 400 келі марихуанамен ұсталды. Бұл туралы бүгін ҚР Ішкі істер министрлігінің Тіл саясаты және ақпарат департаментінің бастығы Қуанышбек Жұманов мәлім етті.
«Кеше, мамырдың 25-інде «Дельта-Жазық» есірткі бизнесімен күрес арнайы бөлімшесінің қызметкерлері мен Жамбыл облысының полицейлері бірлесіп өткізген іс-шара аяқталды. Оның нәтижесінде Шу алқабының құмды аймағында 39 жастағы Тараз қаласының тұрғыны 400 келі марихуанамен ұсталды», деді ІІМ өкілі.
Қ.Жұмановтың атап өтуінше, дайындалған есірткі 3 шатырда кептіріліп жатқан жерінен тәркіленген.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.