«Туған жер» бағдарламасы аясында ұйымдастырылған экспедицияның жоспарында - жергілікті географияны, археологияны, сондай-ақ Жамбыл облысындағы ұлыстардың тарихын зерттеу, Қарахан мен Айша бибі, Тектұрмас пен Ақыртас кесенелері сынды киелі орындарда болу.
«Бұл - соңғы жылдардағы екінші ірі экспедициямыз, - деді ТарМУ ректоры Махметқали Сарыбеков. - 2015 жылы Қазақ хандығының 550 жылдығына орай біздің университетіміз «Ұлы халық жолымен» экспедициясын ұйымдастырды, оның нәтижесі бойынша Қазақ хандығының негізін қалаушылар - Керей мен Жәнібек хандардың Шу өзенінің сағасымен жүріп өткен жолының картасы жасалды.
ТарМУ Гуманитарлық-әлеуметтік ғылымдар факультеті «Қазақстан тарихы» кафедрасының өкілдері «Әулие ата - киелі мекен» екі апталық экспедициясы кезінде үш бағыт бойынша жүріп өтіп, Жуалы, Жамбыл, Талас, Сарысу, Байзақ, Шу, Мойыңқұм, Рысқұлов, Меркі және Қордай аудандарында болады.