Таразда астықпен қамтамасыз ету жөніндегі меморандумға қол қойылды
деп хабарлайды «ҚазАгро» ҰХ баспасөз қызметі.
Меморандумның негізгі мақсаты - 1 сұрыпты формалы нанның бағасын негізсіз көтеруге жол бермеу.
Меморандумның талаптарына сәйкес, Әкімдік нан пісіретін кәсіпорындарды белгілі баға бойынша ұнмен қамтамасыз ететін астық өңдеуші-операторларды белгілейді.
«ҚазАгро» холдингі өзінің еншілес компаниясы - «Азық-түлік келісім шарт корпорациясы» ҰК» АҚ қолдағы астық қорынан операторларды 26 500 теңге бағамен астықпен қамтамасыз етеді.
Азық-түлік корпорациясы астықты жеткізуді 2010 жылдың 1 қыркүйегінен бастап 2011 жылғы 1 қазанға дейінгі кезеңде ай сайынғы қажеттілігіне сәйкес кесте бойынша жүзеге асырады.
Азық-түлік корпорациясының астық ресурсы кестеге сәйкес әкімдіктің өтінішін қанағаттандырмаған жағдайда «Астық одағы» операторды көрсетілген баға бойынша астықпен қамтамасыз етуді өз міндетіне алады.
Астық өңдеу ұйымдарының астықты мақсатты пайдалануды қамтамасыз етуді бақылау және нан өнімдеріне бағаны негізсіз көтеруге жол бермеу Әкімдіктің міндетіне жүктеледі.
Бұдан бұрын айтылғандай, Қазақстан Республикасы Президенті Н.Ә. Назарбаевтың тапсырмасын орындау мақсатында Экономиканы жаңарту жөніндегі мемлекеттік комиссияның үстіміздегі жылғы 26 тамыздағы отырысында «ҚазАгро» ұлттық басқарушы холдингі» АҚ 26 500 теңге бағамен 2 миллион тонна астық сатып алу туралы шешім қабылданды. Сатып алуды қаржыландырудың көзі Холдингке республикалық бюджеттен берілген қаражат, сондай-ақ ҚазАгроның меншікті қаражаты болып табылады. Сатып алуды Азық-түлік корпорациясы облыстар арасында егіннің жалпы түсіміне мөлшерлес бөлінетін белгіленген квота бойынша жүргізеді.
Аталған шаралар ауылшаруашылық тауарын өндірушілерге өздерінің қажет табыс деңгейін сақтауға мүмкіндік береді, елдің азық-түлік қауіпсіздігін қамтамасыз етеді, сондай-ақ шаруалардың есеп айырысуы үшін қаражатпен қамтамасыз ету арқылы астық шаруашылықтарының қаржылық төлемпаздығын жақсартады.