Таразда жүк көлігі 58 жастағы әйелді қағып өлтіріп, қашып кеткен
12:34, 25 Шілде 2019
ТАРАЗ. ҚазАқпарат – Бүгін Тараз қаласының Жамбыл даңғылы бойында «Volvo» маркалы жүк көлігі жаяу жүргіншіні қағып кетіп, 58 жастағы әйел оқиға орнында қаза тапты, деп хабарлайды ҚазАқпарат тілшісі.
Көп ұзамай күдікті автокөліктіңжүргізушісі анықталып, ұсталды. Бұл туралы облыстық полиция департаментініңбаспасөз қызметі мәлімеді.
«Оқиға орнында полицияқызметкерлері тексеру амалдарын жүргізуде, тиісті сараптамалар тағайындалды.Аталған дерек бойынша Қылмыстық кодекстің 345-бабы 3-бөлігі бойынша сотқадейінгі тергеу басталды»,-делінген ведомство хабарламасында.
Қазіргі таңдатергеу шаралары полиция департаменті басшылығының бақылауына алынған.