Тарихи жеңістен кейін Көктөбе мұнарасы «Қайраттың» түсіне боялды

АЛМАТЫ. KAZINFORM – «Қайрат» өз алаңында «Селтикті» пенальти арқылы жеңіп, UEFA Чемпиондар лигасының топтық кезеңіне алғаш рет шықты. 

Қазақ футболы үшін маңызды жеңістен кейін Орталық стадионға жиналған жанкүйерлер ұзақ уақыт тарқамай, ән айтып, ұрандатып жүрді. Ал қала символдарының бірі – Көктөбе мұнарасы «Қайрат» футбол клубының түсіне боялып, онда команданың эмблемасы көрсетілді. 

Еске салайық, «Қайрат» пен «Селтик» арасындағы екі ойында 0:0 есебі тіркелді. Сондықтан матч қосымша кезеңге ұласты. Қосымша кезеңде жеңімпаз анықталған жоқ. Пенальти сериясында «Қайрат» үздік шығып, Чемпиондар лигасының негізгі кезеңіне жолдама алды.  

Ойыннан кейін «Қайраттың» бас бапкері Рафаэль Уразбахтин алматылық команданың тарихи жеңісіне байланысты пікір білдірді.