ҚР Президенті жанындағы «Дара» дарындыларды қолдау қоры ұйымдастырып отырған шараның мақсаты – бұқаралық спортты дамыту және жастарды салауатты өмірге баулу.
Турникке тартылудан Tartyl Fest республикалық спорт фестиваліне қатысуға ниет білдірушілер Амфитеатр алаңына сағат 9:00-ден бастап келе алады. Қатысушыларды тіркеу сағат 11:00-ге дейін жүргізілмек. Ал, шараның ашылу салтанаты сағат 12:00-ге жоспарланған.
Қатысушылар жас ерекшеліктеріне қарай 3-ке бөлінеді. Атап айтқанда, 18 жасқа дейін (жасөспірімдер), 18-ден 30 жасқа дейін (жастар) және 30 жас пен одан үлкендер (ересектер).
Жүлде қоры: 1 орын – 200 мың теңге, 2 орын – 100 мың теңге, 3 орын – 50 мың теңге. Гранд финалдың жүлде қоры: 1 орын – 3 млн теңге, 2 орын – 2 млн теңге, 3 орын – 1 млн теңге. Гранд финал 8 қыркүйек күні Нұр-Сұлтан қаласында өтеді.
Естеріңізге сала кетсек, осыған дейін Павлодарда Tartyl Fest жеңімпаздары анықталғаны хабарланған болатын.