Ташкентте сайлау учаскесі ашылды
09:29, 09 Маусым 2019
ТАШКЕНТ. ҚазАқпарат - Ташкентте Өзбекстандағы ҚР Елшілігі жанынан №267 сайлау учаскесі ашылды, деп хабарлайды «ҚазАқпарат» ХАА меншікті тілшісі.
Сайлау учаскесі жұмысын жергілікті уақытпен сағат 07:00-де бастады. Қазақстандық дипломаттар, сондай-ақ жергілікті сайлау учаскесінің мүшелері еліміздің әнұранын орындай отырып, учаске жұмысын салтанатты түрде ашты.
№267 сайлау учаскесінде дауыс берген алғашқы Қазақстан азаматтарына ескерткіш сыйлықтар табысталды. Аталған сайлау учаскесінде Өзбекстан аумағында уақытша тұратын ҚР азаматтары дауыс бере алады.
Авторы Мирас Қуандықов