Ташкентте төртем дүниеге келді

ТАШКЕНТ. KAZINFORM – Ташкентте бір отбасында төртем, 2 ұл 2 қыз дүниеге келді. Сәбилердің жағдайы жақсы, дәрігерлердің бақылауында.

Ташкентте әйел 4 сәбиді дүниеге әкелді. Бұл туралы «Миллар» бағдарламасы хабарлады.

Жас отбасы негізі Сурхандария облысында тұрады. Сәбилердің жағдайын дәрігерлер жіті бақыласын деп ел астанасы Ташкентке келген.

Ерлі-зайыптылардың 2 жасар қызы болған. Қазір олар 5 балалы отбасыға айналды.

Төртемге Мұхаммед, Мұстафа, Сумая және Сафия есімдері берілді.

Айта кетейік, Жамбыл облысында салмағы 6 келіден асатын сәби өмірге келгенін жазған едік.