Бұл туралы республиканың денсаулық сақтау министрлігіне сілтеме жасап, «Интерфакс-Поволжье» агенттігі жазып отыр.
Жедел жәрдем қызметі Ютазинск ауданының Уруссинск орталық ауруханасына жарақаттар алған екі баланы және 85 жастағы кейуананы жеткізді.
Аурухананың бас дәрігері Ренат Фатыховтың айтуынша, дауыл шамамен сағат 14 және 15-тер аралығында көтерілді. «Үлкен үрмелі батутта бірнеше бала ойнап жүрген. Кенеттен көтерілген дауылдың салдарынан ол аударылып түсті. Қатты жел сауда шатырларының бірін де аударып, көкке көтерді», - дейді ол.