«Тауарды таңбалаудағы цифрлық код бағасы сезімтал мәселелердің бірі. Қазіргі уақытта «Сауда қызметін реттеу туралы» Заңға таңбалаудағы цифрлық код бағасының шекті көлемін айқындау бойынша ҚР Үкіметіне өкілеттік беру бөлігіне өзгерістер енгізу мәселесі қарастырылып жатыр», - деді министр.
Оның айтуынша, шығарылған тауарға арналған таңбалау кодын жапсыру бағасы ілкі жоба жүргізудің қорытындысы бойынша анықталады. Бағаны анықтау барысында өндірістің ерекшеліктері ескеріледі.
«Оны айқындаудың негізгі факторлары мыналар: өндіріс көлемі, өндірістік жарақтандырылу деңгейі, әлеуметтік маңызы бар тауарлар тобына жатқызылуы. Таңбалау кодының шекті бағасын есептеу шекті бағаны есептеу әдістемесі негізінде жүзеге асырылады. Таңбалау кодының нақты бағасы Үкімет тарапынан бекітіледі» ,- деді Жеңіс Қасымбек.