Тауда жоғалған 7 жасар баланың денесі табылды
20:30, 27 Шілде 2018
АЛМАТЫ. ҚазАқпарат - Алматы облысында тауда жоғалған 7 жасар Ернұр Садуақастың денесі табылды, деп хабарлайды ҚазАқпарат тілшісі.
ҚР ІІМ ТЖК ресми өкілі Руслан Иманқұловтың айтуынша, баланың денесі бүгін 17:40-та Жамбыл ауданы Ынтымақ ауылынан 8 шақырым қашықтықтағы тау баурайынан табылған.
Бала 14 шілде күні жоғалған.
Оны іздестіруге ТЖД, əкімдік өкілдері,полиция, сарбаздар жұмылдырылған еді. Іздеу тобы маңайды тікұшақпен сүзіп, Қырғызстан шекарасына дейін тінтіп шыққан болатын.