АСТАНА. ҚазАқпарат - 1991 жылдың 16 желтоқсан күні Қазақ елі өзінің тәуелсіздігін жария еткен болатын. Дәл осы күні дүние есігін 959 бала ашқан, деп хабарлайды ҚазАқпарат тілшісі.
ҚР Ұлттық экономика министрлігі Статистика комититетінің деректеріне сәйкес, 959 баланың 491-і ұл, ал 468-ы қыз бала. Сонымен қатар осы 27 жылдың ішінде дүниеге келген ер балаларға қойылған Нұрсұлтан есімінің де қарасы қалың.
Атап айтқанда, Нурсултан, Нұрсұлтан, Нұрсултан, Нурсұлтан есімдері 37276 адамға берілген. Оның ішінде 14 адам 1991 жылдың 16 желтоқсан күнінде дүниеге келген.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.