Тәуелсіздік күні қарсаңында Өзбекстандағы қазақстандықтар эко-акция ұйымдастырды
ТАШКЕНТ. KAZINFORM – Тәуелсіздік күні мерекесі қарсаңында қазақстандықтар Өзбекстан астанасында орналасқан Қазақстан Елшілігі ғимаратының алдына ағаш отырғызды, деп хабарлайды Kazinform агенттігінің меншікті тілшісі.
Фото: Әлихан Асқар/Kazinform
Іс-шара елшіліктің бастамасымен және Өзбекстандағы қазақстандық бизнес өкілдерінің қолдауымен ұйымдастырылды.
Фото: Әлихан Асқар/Kazinform
Оған дипломатиялық миссия өкілдері, Өзбекстанда жұмыс істейтін 20-ға жуық отандық компаниялардың мамандары мен Ташкенттегі қазақстандықтар қатысты. Іс-шара аясында 100-ге тарта ағаш отырғызылып, сенбілік ұйымдастырылды.
Фото: Әлихан Асқар/Kazinform
Игі іске қолдау білдіре келгендер Қазақстан мен Өзбекстан арасындағы қарым-қатынастың жоғары деңгейге шыққанын атап өтті. Бүгінгі таңда қос елдің бизнес өкілдері арасындағы байланыс экономикалық ілгерілеуге серпін берді. Тиісінше, олар бұл бағыттағы жұмысты тиімді сабақтап, бірлескен жобаларды жүзеге асыруға ниетті екенін білдірді.
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.