Тайфун құрбандарына байланысты жапон патшайымының туған күні тойланбайтын болды

АСТАНА. 18 қазан. ҚазАқпарат - 20 қазан күні Жапон патшайымы Митиконың 79 жасқа толу туған күнін атап өтуге байланысты мерекелік шаралар «Випха» тайфунынан қаза болған құрбандарды аза тұту белгісі ретінде өткізілмейтін болды.

Табиғи апат өткен сәрсенбі күні елде ойран салған болатын. Бұл туралы патша сарайының басқармасынан хабарлады.

Жексенбі күні Митиконың туған күніне арналған салтанатты жиын өту керек еді. Алайда табиғи апатқа байланысты патшайым оны өткізбеу туралы шешім қабылдады. Мерекелік шараға Жапонияның премьер-министрі Синдзо Абэ, сонымен қатар елдің басқа да саяси және қоғам қайраткерлері жиналған болатын.

Жапонияның орталық бөлігінде болған «Випха» күшті дауылы 28 адамның өмірін қиды.