Тайфунға байланысты Вьетнамда 100 мың адам қауіпсіз жерге көшірілмек
13:11, 09 Қараша 2013
АСТАНА. 9 қараша. ҚазАқпарат - Вьетнам билігі «Хайян» тайфунының жақындауына байланысты жағалаудағы аудандарда тұратын 100 мыңнан астам адамды қауіпсіз жерлерге көшіру шараларын бастады.
Осы жойқын тайфун бұдан бұрын Филиппинге зардап келтірген болатын. Метеорологтардың болжамына қарағанда, тайфун елдің жағалаудағы елді мекендеріне жексенбіде жетеді. Вьетнам мемлекеттік БАҚ-тарының хабарлауынша, жағалаудағы аудандарда мектептер түгелдей жабылды. Бұдан бұрын мәлім етілгендей, «Хайян» тайфуны жұма күні Филиппинді жайпап өтті. Табиғи апат 100-ден астам адамның өмірін қиды. Қазіргі кезде тайфун сәл бәсеңдеп, солтүстік-батысқа қарай сағатына 35 шақырым жылдамдықпен жылжып барады. Метеорологтардың мәліметінше, сенбіде тайфун Оңтүстік Қытай теңізі айдынында күшейе отырып, Вьетнамға қарай жылжуын жалғастырады.