Текеліде жеке үйде әскери граната табылды

ТАЛДЫҚОРҒАН. ҚазАқпарат - Алматы облысы Текелі қаласында жеке үйде әскери граната табылды. Жарылғышты тұрғындардың бірі өз қорасының шатырын қалыпқа келтіріп жатқанда тапқан. Бұл туралы ол жергілікті қалалық ІІБ-ге хабарлаған.

Алматы облыстық ІІД баспасөз қызметінен хабарлағандай, оқиға орнына шыққан мамандар, оның «УЖРГМ 1989 ж. ш» зауыт маркілі жарылғышы бар «Ф-1» гранатасы екенін анықтаған.

Гранатаны тат басқан. Полицейлер оны арнайы контейнерде әскери бөлімдердің бірінің полигонына апарып жойған.

Жарылғыш затты табу фактісі бойынша полиция тергеу алды тексеріс жұмыстарын жүргізуде.