ТЕМІРТАУ. ҚазАқпарат – Бүгін Теміртауда жеңіл көлік жүйткіп келіп ағашқа соғылды. Жүргізуші мен көлікте болған бір адам оқиға орнында жан тапсырды, деп хабарлайды ҚазАқпарат.
«Фольксваген–Гольф» көлігінің 40 жастағы жүргізушісі Сталеварова көшесінен Щорс көшесіне бұрылмақ болғанда ағашқа соғылған.
«Оқиға кезінде жүргізуші мен жолаушы мерт болды. Осы оқиғаға қатысты ҚР ҚК 345-бабы 3-бөлігі бойынша сотқа дейінгі тергеу басталды. Тиісті сараптамалар белгіленді» делінген Қарағанды облысы ПД баспасөз қызметі таратқан хабарламада.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.