ҚАРАҒАНДЫ. ҚазАқпарат - Теміртауда ПАЗ маркалы жолаушылар автобусы өртенді. Өрт қоғамдық көліктің ішінен шыққан, деп хабарлайды ҚазАқпарат.
Облыстық ТЖД баспасөз қызметінің хабарлауынша, оқиға 22 қыркүйек күні сағат 15:41-де алтыншы шағынаудандағы №24 тұрғын үйдің маңында болған. №15 маршруттағы автобус әуелі ақауға байланысты тоқтаған, одан кейін көліктің ішінен өрт шыққан.
Тілсіз жау 15:56-да ауыздықталып, 16:04-те толық сөндірілген.
Мәлім болғандай, жалын 15 шаршы метр аумақты шарпыған. Жапа шеккендер жоқ. Қазіргі сәтте өрттің неден шыққаны анықталып жатыр.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.