АСТАНА. KAZINFORM — 14 қарашада сағат 10:30 шамасында Теміртау қаласында жолаушылар автобусы жол жиегіндегі ағашқа соғылды. Оқиға салдарынан 64 жастағы жүргізуші қаза тапты.
Қарағанды облысы полиция департаментінің мәліметінше, алдын ала болжам бойынша, Yutong маркалы автобустың жүргізушісі қозғалыс кезінде кенеттен өзін жайсыз сезініп, есінен танып қалған. Соның салдарынан автобус басқарудан шығып, ағашқа соғылған.
Апат кезінде автобуста шамамен 15 жолаушы болған. Олардың ешқайсысы зардап шеккен жоқ.
Аталған дерек полицияда тіркелді. Қазір оқиғаның мән-жайы анықталып жатыр.
Еске салайық, бұған дейін Ақмола облысында болған жол апатынан бір адам көз жұмып, бес жолаушы, оның ішінде төрт бала жарақат алғанын хабарлаған едік.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.