Теміртауда дүкенде жарылыс болып, бір адам үйінді астынан шығарылды
09:05, 15 Ақпан 2024
ТЕМІРТАУ. KAZINFORM — Бүгін таңғы 08:06 кезінде Теміртау қаласы Ватутин көшесінде 2 қабатты дүкен ғимаратында газ жарылды. Дүкен қирап, өртенген.
Тексеру және барлау барысында үйінді астында қалғандардың орналасқан жері анықталды.
Үйіндіні бөлшектеп жатыр.
Бұл жұмысқа ТЖД жеке құрамынан 17 адам, 5 техника жұмылдырылды.
23 адам, 5 техника оқиға орнына бара жатыр.
Сағат 08:44 шамасында үйінді астынан әйел адам шығарылды. Жағдайы нақтыланып жатыр.
Оның сөзінен үйінді астында ер адам бар екені белгілі болды.
Жұмыс жалғасып жатыр.
ТЖМ сағат 09:08 кезінде өрт оқшауланғанын хабарлады.