«Менің ойымша, тендердің барлығы өз уақытымен өткізілмейді деуге болмайтын шығар. Тендерлердің көпшілігі өзінің жоспарланған мерзімінде өткізіледі. Бірақ, кеш өткізілетін тендерлер де бар», - деді ол.
Комитет басшысының айтуынша, кейбір тендерлердің қорытындысын сот арқылы жойылуы да кездеседі.
«Жергілікті органдардың қызметіне жасаған талдауымызда көзімізге түскен кемшіліктердің бірі - тендер өткізу уақытының өзгертілуі. Оның себебі біріншіден, тиісті құжаттамалар уақытында дайындалмайды. Мәселен, инвестициялық жоба жасау үшін тендер өткізу уақыты белгіленген. Бірақ оның техникалық-экономикалық негіздемесі немесе жобалау-сметалық құжаттамалары жоқ. Тағы да тиісті құжаттамалары дайын болмайды. Соған байланысты тендердің уақыты кейінге, басқа уақытқа шегеріледі», - деді Қ.Жаңбыршин.
Оның атап өтуінше, осы аралықта жобаның құны көтеріліп кетеді. «Бірақ, тендердің барлығы уақытында өткізілмейді деп айту, меніңше, қате», - деді ол.