НҰР-СҰЛТАН. ҚазАқпарат - Қазақстанның бірінші ракеткасы Александр Бублик жаңадан жарияланған әлемдік рейтингіде 37-орынға көтерілді, деп хабарлайды ҚазАқпарат тілшісі.
Қазақстан теннис федерациясы мәлім еткендей, бұл осыған дейін 38-сатыда болған Бубликтің рекордтық көрсеткіші болып табылады.
Тағы бір қазақстандық Михаил Кукушкин 100-ден 105-ке, ал Дмитрий Попко 193-тен 194-ке сырғыды.
Д.Попко Ролан Гаррос турнирінің іріктеу сайысында бақ сынайды.
Әйелдер арасында Қазақстанның бірінші ракеткасы Елена Рыбакина 22-інші, Зарина Дияс 93-орнын сақтап қалды. Ал Юлия Путинцева 35-тен 43-сатыға жайғасты.
Еске сала кетейік, бұдан бұрын Страсбургте қазақстандық теннисшілердің қарсыластары белгілі болғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).