НҰР-СҰЛТАН. ҚазАқпарат – Қазақстанның бірінші ракеткасы Александр Бублик бүгін жаңартылған ATP рейтингінде 44-тен 42-орынға көтерілді, деп хабарлайды ҚазАқпарат тілшісі.
А.Бубликтің рейтингідегі бұған дейінгі үздік көрсеткіші 43- орын болатын.
Бұған ол өткен аптада Майами мастерс турнирінің ширек финалына шығуы нәтижесінде қол жеткізді.
Михаил Кукушкин үш сатыға жоғарылап, 105-тен 102- орынға, ал Дмитрий Попко 180-нен 179-ға көтерілді.
Еске сала кетейік, бұдан бұрын қазақстандық теннисшілердің Чарльстон турниріндегі қарсыластары анықталғанын жазған болатынбыз.
Осы додада Зарина Диястың да қарсыласы белгілі болды. Ол бүгін іріктеу сайысы жеңімпаздарының бірі, ресейлік Наталья Вихлянцевамен кездеседі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).