АСТАНА. ҚазАқпарат - Қазақстандық теннисші Александр Бублик Братислава (Словакия) қаласында өтіп жатқан ірі «Челленджер» турнирінің екінші кезеңіне шықты, деп хабарлайды ҚазАқпарат Қазақстанның Теннис федерациясына сілтеме жасап.
Жарыстың жүлде қоры - 106 000 еуро.
Турнирдің бастапқы матчында қазақстандық теннисші словакиялық Андрей Мартинді 2:6,6:3,7:5 есебімен жеңді. Келесі айналымда Александр Бублик италиялық теннисші Лоренцо Сонегомен сынға түседі.
ATP Challenger әлемдік туры - Кәсіби теннисшілер қауымдастығы (АТР) ұйымдастыратын кәсіби жарыстар топтамасы. Соңғы жылдары әлемнің 40 елінде 150-ден астам «челленджер» ұйымдастырылып жүр.
Айжан Серікжанқызы
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.