НҰР-СҰЛТАН. ҚазАқпарат - Қазақстанның бірінші, әлемнің 44-ракеткасы Александр Бублик Мадрид мастерс турнирінің жартылай финалына шыға алмады, деп хабарлайды ҚазАқпарат тілшісі.
А.Бублик ширек финалда әлемнің 22-ракеткасы, норвегиялық Каспер Руудпен кездесті.
К.Рууд үшінші айналымда әлемнің 5-ракеткасы, грекиялық Стефанос Циципасты жеңіп кеткен болатын.
Бұл жолы тартысты өрбіген бірінші партияны норвегиялық теннисші өз есебіне жазды - 7:5.
Екінші сетте ол айқын басымдылық көрсетті - 6:1.
Бәсеке 1 сағат 8 минутқа созылды.
К.Рууд финалға шығу үшін әлемнің 10-ракеткасы, италиялық Маттео Берреттини немесе рейтингте 25-сатыдағы чилилік Кристиан Гариннің біреуімен таласады.
Еске сала кетейік, бұдан бұрын А.Бубликтің жүлде қоры 2,6 млн еуродан асатын Мадрид мастерс турнирінің ширек финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).