НҰР-СҰЛТАН. ҚазАқпарат – Қазақстанның бірінші, әлемнің 44-ракеткасы Александр Бублик Майами ATP 1000 турнирінің жартылай финалына шыға алмады, деп хабарлайды ҚазАқпарат тілшісі.
А.Бублик ширек финалда әлемнің 31-ракеткасы, италиялық Янник Синнермен кездесті.
Бұдан бұрын Дубай жарысында 19 жастағы италиялық спортшы А.Бубликті 2:6, 7:6 (7:2), 6:4 есебімен ұтып кеткен болатын.
Бірінші партияда қазақстандық теннисші 4:2 есебімен алға кетті. Бірақ сетке доп бергенде, қарсыласы брейк жасап, таразы басын теңестірді – 5:5. Тай-брейкте Бублик өз мүмкіндіктерін пайдалана алмады – 6:7 (5:7).
Екінші сетте Бублик 3:0 есебімен алға шыққанымен, италиялық теннисші қайта теңестірді – 3:3. Сосын тағы бір брейкке қол жеткізіп, матчқа доп бергенде, қателескен жоқ – 6:4.
Бәсеке 1 сағат 41 минутқа созылды.
Я.Синнер финалға шығу үшін әлемнің 2-ракеткасы, ресейлік Даниил Медведев немесе рейтингте 12-сатыда тұрған испаниялық Роберто Батиста-Агуттың біреуімен таласады.
Еске сала кетейік, бұдан бұрын Александр Бубликтің Майами турнирінің ширек финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).