НҰР-СҰЛТАН. ҚазАқпарат – Қазақстанның бірінші, әлемнің 43-ракеткасы Александр Бубликтің Мадрид мастерс турниріндегі қарсыласы анықталды, деп хабарлайды ҚазАқпарат тілшісі.
Қазақстандық теннисші алғашқы айналымда әлемнің 39-ракеткасы, мажарстандық Мартон Фучовичпен күш сынасады.
Жүлде қоры 2,6 млн еуродан асатын бұл айтулы додаға әлемнің 2-ракеткасы, испаниялық Рафаэль Надаль бастаған мықты теннисшілер қатысады.
Жарыс 2-9 мамыр аралығында өтеді.
Бүгін турнирдің іріктеу сайыстарында тағы бір қазақстандық, дүниежүзілік рейтингте 104-орында тұрған Михаил Кукушкин бақ сынайды. Ол әлемнің 80-ракеткасы, испаниялық Пабло Андухармен кездеседі.
Еске сала кетейік, Елена Рыбакина Мадрид турнирін жеңіспен бастады, ал қазақстандық жасөспірім теннисші Черногорияда жеңімпаз атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).