НҰР-СҰЛТАН. ҚазАқпарат – Қазақстандық Александр Недовесов жұптық сында Братислава (Словакия) челленджер турнирінің финалында жеңіліс тапты, деп хабарлайды ҚазАқпарат тілшісі.
Осы жарыстың 2-ракеткалары болып тіркелген А.Недовесов пен украиналық Денис Молчанов соңғы бәсекеде словакиялық Филип Хорански – тағы бір украиналық Сергей Стаховскиймен бас жүлдені сарапқа салды.
Словакиялық-украиналық жұп бір сағаттан астам уақытқа созылған матчта 6:4, 6:4 есебімен жеңіске жетті. Олар 4 брейк-пойнттың тең жартысын мүлт жіберген жоқ.
А.Недовесов пен Д.Молчанов 4 эйс жасағанымен, 5 брейк-пойнттың бірде-біреуін пайдалана алған жоқ.
Еске сала кетейік, бұдан бұрын А.Недовесовтің Словакиядағы турнирдің финалына шыққанын, қазақстандық жас теннисшілердің Өскеменде жеңімпаз атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).