НҰР-СҰЛТАН. ҚазАқпарат - Қазақстандық Александр Недовесов жұптық сында спорттық жолында алғаш рет ATP 250 турнирінің финалына дейін жетті, деп хабарлайды ҚазАқпарат тілшісі.
Қазақстан теннис федерациясы мәлім еткеніндей, А.Недовесов пәкстандық Айшам Курешимен бірге Melbourne Summer Set жарысының алтыншы ракеткалары болып тіркелді.
Қазақстандық-пәкстандық жұп финалда осы доданың 1-ракеткалары, нидерландылық Уэсли Коольхоф - ұлыбританиялық Нил Скупскимен бас жүлдені сарапқа салып, 4:6, 4:6 есебімен жол берді.
Недовесов пен Куреши сағат жарымға жуық уақытқа созылған бәсеке барысында 2 эйс жасап, 2 брейкке қол жеткізді.
Бұл А.Недовесовтің ATP турнирлеріндегі алғашқы финалы еді.
Еске сала кетейік, бұдан бұрын Елена Рыбакинаның Аделаида турнирінің финалында жеңіліп қалғанын, қазақстандық теннисшілердің Аустралия ашық чемпионатының іріктеу сайыстарын сәтті бастағанын жазған болатынбыз.
Қазақстандық теннисшілер Аустралия ашық чемпионатының іріктеу сайысын сәтті бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).