НҰР-СҰЛТАН. ҚазАқпарат – Қазақстандық Анна Данилина жұптық сында Сидней WTA 500 турнирінің жартылай финалына шықты, деп хабарлайды ҚазАқпарат тілшісі.
А.Данилина бразилиялық Беатрис Хаддад Майямен бірге ширек финалда ресейліктер Екатерина Александрова – Натела Дзаламидземен шеберлік байқасты.
Бірінші партияда ресейлік жұп басымдылық танытты – 7:5.
Екіншісінде Анна мен Беатрис дәл сондай есеппен есе қайырды – 7:5. Сосын супер тай-брейкте жеңісті жұлып алды – 10:8.
Қазақстандық-бразилиялық жұп 1 сағат 45 минутқа созылған бәсеке барысында эйс жасамағанымен, 10 брейк-пойнттың үшеуін пайдаланды.
Қарсыластары 3 эйс, 3 брейкке (8 брейк-пойнт) қол жеткізді.
А.Данилина мен Б.Хаддад Майя финалға шығу үшін осы жарыстың 2-ракеткалары, жапониялықтар Сюко Аояма – Ена Шибахарамен таласады.
Еске сала кетейік, бұдан бұрын Елена Рыбакинаның жарақатына байланысты Сидней жарысын жалғастыра алмағанын, Юрий Польскийдің Азия теннис федерациясының вице-президенті болып тағайындалғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).