10:50, 14 Қаңтар 2014

Теннис: Австралия ашық чемпионатында қазақ қызы Зарина Дияс тұңғыш рет екінші айналымға өтті

ОРАЛ. 14 қаңтар. ҚазАқпарат - Бүгін Австралияның ашық чемпионатында қазақстандық Зарина Дияс бірінші айналымда чехиялық Катерина Синяковамен кездесіп, оны екі партияда (6:2, 6:4) ұтты.

Сөйтіп қазіргі кезде әлемдік рейтингте 163-орында тұрған Зарина қазақ қыздарынан алғаш рет әлемдегі «үлкен дулығаның» бірі - Австралия ашық біріншілігінің екінші айналымына өтті. Онда ол румыниялық Сорана Кырстя немесе жаңазеландиялық Марина Эраковичтің біреуімен кездеседі. Олардың екеуі де - К.Синяковаға қарағанда, әлдеқайда тісқаққан теннисшілер, рейтинг бойынша да жоғарыда тұр. Қазірдің өзінде осы табысымен-ақ З.Дияс өз рейтингісін көтеретіні анық.

Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).