НҰР-СҰЛТАН. ҚазАқпарат – Қазақстанның бірінші, әлемнің 55-ракеткасы Александр Бублик Аделаида (Аустралия) ATP турнирінің ширек финалына шыға алмады, деп хабарлайды ҚазАқпарат тілшісі.
Қазақстандық теннисші екінші айналымда әлемнің 33-ракеткасы, ұлыбританиялық Дэниел Эванспен кездесті.
Бірінші партияда ұлыбританиялық спортшы 7:5 есебімен басымдық танытты.
Екінші сетте де ол 5:1 есебімен алға кетті. Ақыры жеңісті уысынан шығарған жоқ – 6:2.
Бәсеке 1 сағат 15 минутқа созылды.
Д.Эванс жүлде қоры 610 мың АҚШ долларынан асатын жарыстың жартылай финалына шығу үшін ресейлік Андрей Рублев немесе америкалық Сэм Куэрридің біреуімен таласады.
Бүгін сондай-ақ жылдың ең басты додаларының бірі – Аустралия ашық чемпионатының іріктеу сайыстары да басталды.
Еске сала кетейік, бұдан бұрын А.Бубликтің Аустралиядағы турнирді сәтті бастағанын, ал Елена Рыбакинаның үздік отыз теннисшінің қатарына кіргенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).