НҰР-СҰЛТАН. ҚазАқпарат - Қазақстанның бірінші, әлемнің 56-ракеткасы Александр Бублик Гамбург турнирінің жартылай финалына шыға алмады, деп хабарлайды ҚазАқпарат тілшісі.
А.Бублик ширек финалда әлемнің 22-ракеткасы, чилилік Кристиан Гаринмен күш сынасты.
Қазақстандық теннисші матчты сәтті бастап, бірінші партияны 6:3 есебімен ұтты.
Екіншісінде К.Гарин 6:4 есебімен есе қайырды.
Үшінші, шешуші сетте де чилилік спортшы брейкпен алға шықты 4:2. Ақыры ол жеңіске жетті - 6:4.
Тартысты бәсеке 1 сағат 53 минутқа созылды.
К.Гарин финалға шығу үшін әлемнің 6-ракеткасы, грекиялық Стефанос Циципаспен таласады.
Еске сала кетейік, бұдан бұрын «Ролан Гаррос» турнирінде қазақстандық теннисшілердің қарсыластары белгілі болғанын, Е.Рыбакинаның Страсбург турнирінің финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).