НҰР-СҰЛТАН. ҚазАқпарат – Қазақстанның бірінші, әлемнің 56-ракеткасы Александр Бублик Гамбург ATP жарысында жеңіліп қалды, деп хабарлайды ҚазАқпарат тілшісі.
А.Бублик іріктеу сайыстарының финалында рейтингте өзінен үш саты төмен тұрған америкалық Томми Полмен кездесті.
Америкалық теннисші 6:4, 6:4 есебімен екі сетте жеңіске жетті.
Бәсеке 1 сағат 7 минутқа созылды.
Осылайша А.Бублик жүлде қоры 1,7 млн еуродан асатын Гамбург додасының негізгі турниріне шыға алмай қалды.
Еске сала кетейік, бұдан бұрын Е.Рыбакина мен З.Диястың Страсбург турнирінде ойнайтынын жазған болатынбыз.
Бүгін Қазақстанның бірінші, әлемнің 18-ракеткасы Елена Рыбакинаның қарсыласы анықталды. Ол алғашқы айналымда рейтингте 110-орында тұрған бельгиялық Гретье Минненмен күш сынасады. Г.Миннен іріктеу сайыстарының финалында чехиялық Михаэла Байерлованы 6:2, 6:2 есебімен ұтты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).