НҰР-СҰЛТАН. ҚазАқпарат – Қазақстанның бірінші, әлемнің 55-ракеткасы Александр Бублик Марсель (Франция) ATP турнирінің финалына шыға алмады, деп хабарлайды ҚазАқпарат тілшісі.
А.Бублик жартылай финалда әлемнің алтыншы, осы жарыстың 2-ракеткасы, грекиялық Стефанос Циципаспен күш сынасты.
Грекиялық спортшы бірінші партияда 7:5 есебімен басым түссе, екінші сетте де сол қарқынынан айырылмады – 6:3.
Бәсеке 1 сағат 7 минутқа созылды.
С.Циципас бұл додада өзінің өткен жылғы чемпиондық атағын қорғауда. 2019 жылы финалда ол тағы бір қазақстандық Михаил Кукушкинді ұтқан болатын.
Грекиялық теннисші финалда әлемнің 18-ракеткасы, канадалық Феликс Оже-Альяссим немесе рейтингте 58-сатыдағы Жиль Симонның біреуімен бас жүлдені сарапқа салады.
Еске сала кетейік, бұдан бұрын Елена Рыбакинаның Дубай турнирінің финалына, А.Бубликтің Марсельде жартылай финалға шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).