НҰР-СҰЛТАН. ҚазАқпарат - Қазақстандық теннисші Александр Бублик Мексикадағы Леон челленджер турнирінің ширек финалына шықты, деп хабарлайды ҚазАқпарат тілшісі.
Турнирдің 1-ракеткасы, әлемдік рейтингте 98-ракеткасы А.Бублик екінші кездесунде рейтингте 295-сатыда тұрған сербиялық Данило Петровичпен күш сынасты.
Тартысты өрбіген бірінші партияда қазақстандық теннисші 7:6 (7:0) есебімен жеңіске жетті.
Екінші сет те А.Бубликтің есебіне жазылды - 7:5.
Матч 1 сағат 23 минутқа созылды.
А.Бублик жартылай финалға шығу үшін әлемнің 207-ракеткасы, эквадорлық Роберто Куироспен шеберлік байқасады.
Еске сала кетейік, бұдан бұрын А.Бубликтің Мексикадағы турнирді сәтті бастағанын жазған болатынбыз.
Ал Қазақстанның бірінші, әлемнің 40-ракеткасы Михаил Кукушкин Будапешт турнирінің екінші айналымына өте алмады.
Ал әйелдер арасында қазақстандық Елена Рыбакина Ыстанбұлдың негізгі турниріне жолдама алып, одан кейін екінші айналымға өтіп, ширек финалға шықты.
Ол бүгін әлемнің 47-ракеткасы, тәжірибелі чехиялық теннисші Барбора Стрыцовамен кортқа шығады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).