НҰР-СҰЛТАН. ҚазАқпарат – Қазақстанның бірінші, әлемнің 49-ракеткасы Александр Бублик Париждегі мастерс турнирінің алғашқы айналымынан аса алмады, деп хабарлайды ҚазАқпарат тілшісі.
А.Бублик әлемнің 32-ракеткасы, италиялық Лоренцо Сонегомен шеберлік байқасты.
Бұдан бұрын Л.Сонего Парижде өткен Франция ашық чемпионатында А.Бубликті үш партияда тізе бүктірген болатын.
Бұл жолы да италиялық теннисші шеберлігі басым екендігін танытып, екі сетте 6:1, 6:4 есебімен жеңіске жетті.
Бәсеке бір сағаттай уақытқа созылды.
Л.Сонего екінші айналымда аустралиялық Алекс де Минормен кездеседі.
Еске сала кетейік, бұдан бұрын Джон Миллманның қонақжайлылық көрсеткен қазақстандықтарға ризашылығын білдіргенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).