НҰР-СҰЛТАН. ҚазАқпарат – Қазақстандықтар Александр Бублик пен Андрей Голубев жұптық сында Парижде өтіп жатқан Ролан Гаррос турнирінің үшінші айналымына шықты, деп хабарлайды ҚазАқпарат тілшісі.
Қазақстандық жұп екінші айналымда Франция ашық чемпионатының 5-ракеткалары, хорватиялық Иван Додиг – словакиялық Филип Полашекпен күш сынасты.
Бірінші партияда А.Бублик пен А.Голубев тай-брейкте әбжілдік танытты – 7:6 (7:5).
Екінші сетте тіпті айқын басымдылық көрсетті – 6:1.
Бәсеке 1 сағат 21 минутқа созылды.
А.Бублик пен А.Голубев «Үлкен дулыға» додасының ширек финалына шығу үшін осы жарыстың 11-ракеткалары, нидерландылықтар Уэс Колхоф – Жан-Жюльен Ройер немесе германиялық Доминик Кёпфер – финляндиялық Эмил Руусувуори жұптарының қай жеңгенімен таласады.
Еске сала кетейік, бұдан бұрын Юлия Путинцеваның жұптық сында Ролан Гаррос турнирінің екінші айналымына өткенін, Елена Рыбакинаның алғаш рет үшінші айналымға шыққанын жазған болатынбыз.
Сондай-ақ қазақстандық теннисшілер жұптық бәсекелерін
сәтті өткізуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).