НҰР-СҰЛТАН. ҚазАқпарат - Қазақстандық Александр Бублик Венада негізгі турнирге өте алмады, деп хабарлайды ҚазАқпарат тілшісі.
Қазақстанның бірінші, әлемнің 48-ракеткасы А.Бублик іріктеу сайыстарының финалында рейтингте 93-орында тұрған босниялық Дамир Джумхурмен кездесті.
Бірінші партияда босниялық теннисші 6:3 есебімен басымдылық көрсетсе, екіншісінде А.Бублик дәл сондай есеппен есе қайырды.
Үшінші, шешуші сетте Д.Джумхур дес берген жоқ - 6:1.
Бәсеке 1 сағат 35 минутқа созылды.
Жүлде қоры 2,4 млн АҚШ долларынан асатын Вена турнирі 27 қазанда мәреге жетеді. Онда тағы бір қазақстандық, рейтингте 58-сатыдағы Михаил Кукушкин өнер көрсетеді. Ол алғашқы айналымда әлемнің 22-ракеткасы, хорватиялық Борна Чоричпен шеберлік байқасады.
Еске сала кетейік , бұдан бұрын А.Бубликтің Венада іріктеу сайысын сәтті бастағанын, ал Е.Рыбакинаның Люксембург турнирінің финалына шыға алмағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).