НҰР-СҰЛТАН. ҚазАқпарат - Қазақстандық теннисші Дмитрий Попко АҚШ-тағы Веро Бич ITF турнирінің финалына шықты, деп хабарлайды ҚазАқпарат тілшісі.
Дмитрий Попко жартылай финалда америкалық Пол Остербанмен шеберлік байқасты.
Қазақстандық теннисші әлемдік рейтингте 608-орында тұрса, қарсыласы 682-сатыда еді.
Дмитрий Попко 6:2, 6:1 есебімен айқын басымдылықпен жеңіске жетті.
Қазақстандық теннисші финалда тағы бір америкалық, осы турнирдің екінші, әлемнің 400-ракеткасы Секу Бангура немесе Эквадор елінің өкілі Диего Идальгоның біреуімен чемпиондық атақ үшін сынға түседі.
Еске сала кетейік, бұдан бұрын Дмитрий Попконың аталмыш жарыстың жартылай финалына шыққанын жазған болатынбыз.
Әйелдер арасында Зарина Дияс Жапониядағы жарыстың ширек, жартылай финалдарынан өтіп, соңғы бәсекеге жолдама алды. Ал Юлия Путинцева Мадрид турнирін жеңіспен бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).